Har qanday munosabatlar o`zaro ishonch asosiga quriladi. Bu turmushning eng asosiy shartlaridan biridir. Atrofdagilarning, ayniqsa, ko`ngil qo`ygan kishingning ishonchini qozonish esa juda muhim. Xo`sh, siz bu ishni qanchalik uddalayapsiz?
1. Sevgan insoniningiz o`ta shaxsiy va mahfiy sirini oshkor etdi…
A) Uni o`z sirimday asrayman.
B) Sirning egasini oshkor etmay, dugonalarim bilan muhokama qilaman.
V) Hammasini boricha oila a`zolarimga yetkazaman.
2. Uchrashuvni ma`lum vaqtga belgiladingiz o`z vaqtida kelasizmi?
A) Ha, albatta.
B) Biroz kech qolishim mumkin, axir ko`chada turli hodisalar ro`y berishi mumkin-da.
S) To`g`risi bilmadim, agar yodimdan ko`tarilmasa boraman.
3. Bo`sh qolganingizda nimalar haqida o`ylaysiz?
A) Ikkimizning kelajagimizni tasavvur qilaman.
B) Mashhurlikka erishish haqida orzu qilaman.
V) Bekor o`tirishga vaqtim yo`q, doim turli tashvishlar bilan bandman.
4. Umumiy tanishingizning to`yiga taklif qilingansiz, ammo ko`ngil qo`yganingiz bora olmasligini aytdi…
A) U siz xech qayerga bormayman.
B) Borsam ham yonimda emasligini o`ylab siqilaman.
V) Albatta boraman, hayotim faqat unga bog`liq emas-ku.
5. Yoringiz omadsiz muhabbati haqida gap boshlasa…
A) To`g`risi bu juda yoqimsiz, eshitishni istamagan bo`lardim.
B) Mendan shubhalanayaptimikan deb o`ylab qolaman.
V)Nima sababdan bu haqda gap boshladi o`zi?
6. Sevgan insoningiz bo`la turib, qarama-qarshi jins vakillariga e`tibor qarata olasizmi?
A) Yo`q, aslo. Buni xiyonat deb bilaman.
B) Vaziyatga bog`liq…
V) Bir marta qarash va tabassum hadya etish xiyonatga kirmasa kerak?
Javoblar:
A — 1 ball;
B — 2 ball;
V — 3 ball.
0—6 ballgacha
Sizga ko`ngil qo`ygan insonning omadi bor ekan. Axir har qanday vaziyatda ham uni qo`llab-quvvatlashga tayyor turasiz-da. Hatto orangizga masofalar soya solsa-da, aslo boshqasi haqida o`ylab ham ko`rmaysiz. Ammo ruhshunoslar bunday munosabatni yoqlashmaydi. Siz sadoqat tushunchasini o`zni qurbon qilish deb talqin qilasiz. Albatta, sir saqlay olishingiz juda yaxshi, ammo yaqin insoningiz yoningizda bo`lmasa, do`stlar bilan ko`rishish va xursandchilik qilishning yomon tomoni yo`q. U ham sadoqatingizga munosib javob qaytara oladimi, yo`qmi? Shu savolga javob bering. Agar “Ha” desangiz, bir-biringizga juda munosib juftliksiz. Agar ikkilansangiz, haddan ortiq sadoqat ko`rsatishga xojat yo`q. Ehtimol, yoringizdan yuz o`girmasligingizni aniq bilgani uchun yetarlicha e`tibor ko`rsatmayotgandir? O`ylab ko`ring.
7 — 11 ball
Yoringizni eshita olishingiz va tushunishga harakat qilishingiz ishonch uyg`otadi. Agar uzoq muddat ko`rishmasangiz, sog`inchingizni engishingiz mushkul kechadi. Ammo o`zingizni chalg`itish usullarni ham yaxshi bilasiz va ulardan o`rinli foydalana olasiz. Munosabatlaringiz janjallarsiz davom etishini istasangiz, unda shubha uyg`otishi mumkin bo`lgan hatti-harakatlardan ehtiyot bo`ling. Masalan, uning shaxsiy buyumlari va qo`l telefonini tekshirish odatlaringizdan voch kechsangiz, o`zaro ishonch yanada ortadi.
12—18 ball
Ehtimol kimdir ko`nglingizga ozor bergan-u, shu tufayli atrofdagilarga ishonmay qo`ygansiz. Ishonchsizligingizning sababi oddiy, o`sha voqealar yana takrorlanishidan havotirdasiz. Ammo bu hatti-harakatlaringizni ko`ngil qo`ygan insoningizda noto`g`ri taassurot paydo bo`lishiga olib keladi. U ham sizga butunlay ishona olmaydi. Shu sabab o`rtangizda jarlik paydo bo`lishi mumkin. Agar munosabatlaringizni qadrlasangiz, uning ishonchini qozonish uchun harakat qilishingiz lozim. Buning uchun faqat o`zingiz haqingizda o`ylayvermay, u nimani istashini tushunishga harakat qilishingiz lozim. Bergan va`dangizda turishga odatlaning va qo`rquvlaringizni engib, yoringizga ko`nglingizni oching.
manba: Darakchi.uz