Nega baxtli emassiz?
| Chunki baxtsiz bo‘lish osonroq. Baxtsizlik sizga Baxt bera olmagan ko‘p narsalarni berishi mumkin. Baxt esa sizdan ko‘p narsani talab qiladi. Baxtsizlik sizni o‘ziga xos va boshqacha qiladi. Baxt esa umumiy tushuncha. Daraxtlar baxtli, hayvonlar baxtli va qushlar ham baxtli. Jamiki mavjudot baxtli, insonlardan tashqari… Baxtsizlik – sizga e’tibor qaratish imkonini beradi. Sizni tushkun va xafa xolda ko‘rishsa, sizga taskin berishadi. Mehr ko‘rsatishadi, asrab-avaylashadi. Kim ham baxtsiz odamni ranjitishni istardi? Kim ham baxtsiz odamga rashk qiladi? Kim ham baxtsiz odam bilan dushman bo‘lgisi keladi? Kasal bo‘lib, baxtsizlik domiga tushib qolsangiz, do‘stlaringiz sizni yo‘qlab kelishadi, dalda berishadi, yoningizda bo‘lishadi. Ishlaringiz yurishib, baxtli ekaningiz bilinib tursachi, o‘sha do‘stlaringiz orasida sizga g‘arazlik qiladiganlar topiladi. Baxtli insonni hech kim yaxshi ko‘rmaydi. U o‘zining baxti bilan atrofdagilarga ozor beradi. Qolganlarni noroziliklari sezila boshlaydi. «Qanday qilib shuncha tashvishlar ichida baxtli bo‘lish mumkin?» “Nega aynan U hayotdan mamnun, biz esa muammolar girdobidamiz?“… Anglab turganingizdek, dunyo ko‘plab baxtsizlardan iborat va ularning hech biri dunyoga qarshi boradigan darajada kuchli emaslar: bu shunchalar xavfli, shunchalar xatarli tuyuladiki… Shu baxtsizlikka ko‘nikib yashashni, dunyoning bir bo‘lagi bo‘lib qolishni afzal bilishadi. Baxt – bu shunchaki baxt. Inson o‘zga dunyoda yashaydi. U endi inson ongi bilan yaratilgan dunyoning bir bo‘lagi emas, u endi tartibsiz voqelikning bir qismi emas. U umuman vaqtning izmida emas. Baxtli inson hech kimga va hech nimaga qaramlikni his qilmaydi. Uning uchun vaqtning qanday o‘tganini ahamiyati yo‘q. U baxtli. Shunchaki baxtli… | |
|
| |
| Просмотров: 4237 | |