Uyqusizlik miya faoliyatini buzadi va tushkunlikka sabab bo‘ladi

Xitoylik olimlar uyqusizlikdan aziyat chekuvchi insonlar bosh miyasida oq moddaning tarqalish faoliyat buziladi degan xulosaga keldilar. Guandun provinsiyasining Xalq shifoxonasi mutaxassislari o‘z tadqiqotlari natijalarini Radiology jurnalida e’lon qildilar. Bu haqda mir24.tv xabar berdi. Olimlar aynan uyqusizlik eng ko‘p tarqalgan kasalliklardan biriga aylanganini, uning aniq kelib chiqish sabablari esa hali ham noma’lum ekanligini e’tirof etishmoqda. Uyqusizlikka asosan kun davomida charchaydigan, yomon kayfiyat va kognitiv buzilishlardan azob chekadigan insonlar yo‘liqadilar. Bu ularda keyinchalik chuqur tushkunlikni keltirib chiqarishi mumkin. Neyrobiologlar miyada oq moddaning tarqalishi va uyqusizlik o‘rtasidagi aloqani o‘rganishga kirishdilar. Tajribada uyqusizlikka chalingan 23 nafar bemor va 30 nafar sog‘lom odamlar ishtirok etdilar. Oqibatda “uxlamaydiganlar“da oq modda faoliyati butunligiga miyaning o‘ng yarim shari va talamusda shikast yetganligi ma’lum bo‘ldi. Bundan tashqari tadqiqot oq modda faoliyatining buzilishiga bemorda mielina — nerv tolalari atrofini himoya qiluvchi qatlamning zararlanishi sabab bo‘lishi mumkinligi aniqlandi. Olimlar bu sohadagi izlanishlarni yana davom ettirish niyatidalar, chunki uyqusizlikni keltirib chiqaradigan asosiy sabab hali ham topilmadi.