Ramazonda oshqozonni tozalash borasida tabiblar nasihatlari

''Muslimaat.uz” muslimalar sahifasi Ramazon oyi kirishi munosabati bilan, oshqozonni tozalash borasida tabiblarning bir necha nasihatlarini havola qildi.
Oshqozonni dam qiladigan mahsulotlarni: sut, dukkakli o‘simliklar (turk no‘xati, yasmiq doni (chechevitsa), yashil no‘xat, banan va qandolat mahsulotlari iste’molini kamaytirish lozim.
Olma, shaftoli, sabzi, sitrus mevalari (apelsin, limon, greypfrut) va ko‘katlar ozuqaviy tolalarga boydir. Ular ichaklarni tozalashga yordam beradi.
Ko‘p miqdorda suv ichish jismni zararli moddalardan tozalaydi. Shuni ta’kidlash kerakki, taomni yaxshilab chaynab yeyish zarur. Ovqatni tez yeyish yoki ochiq og‘iz bilan chaynash mumkin emas. Bunday qilish ko‘p havoning yutilishiga sabab bo‘ladi. Bu oshqozonning dam bo‘lishiga olib keladi.
Yana shuni ta’kidlash lozimki, o‘tirgan vaqtda qomatni to‘g‘rilab o‘tirish lozim. Ayniqsa, kompyuter oldida uzoq vaqt o‘tiradiganlar.
Qorin to‘q vaqtida jismoniy mashqlarni har kuni kamida 15 daqiqa bajaring. Har qanday narsani tanovul qilishdan oldin ham, bir-ikki mashqlarni bajarish kerak. Bir piyola suvga ivitilgan bir qism zirani solib bir bo‘lak limon bilan iste’mol qilish, yig‘ilgan yog‘larni ketkazishga yordam beradi.
Qorin sohasidagi yog‘larni qanday kamaytiramiz?

Kunora ko‘k choy ichishni ko‘paytirish turib qolgan zaharlar va zararli suyuqliklardan xalos bo‘lishga yordam beradi. Uyqudan oldin yovvoyi toshcho‘p (timyan) va moychechak gullaridan tayyorlangan choyni ichish qorin dam bo‘lishidan va gazlardan xalos qiladi.
Sut ichishdan chetlaning. Chunki u ko‘p miqdordagi havoni yutishga va qorinni dam qilishga olib boradi. Yog‘i kam yogurt tanovul qilish jismdagi yog‘larni chiqarishga va muskullarni muhofaza qilishga yaxshi ko‘makchidir.