Rossiyaning “VKontakte” ijtimoiy tarmog‘i Ukraina poytaxti Kiyevda joylashgan ofisini yopishga qaror qildi. Bu haqda Ukrainadagi vakolatxona matbuot kotibi Vlad Legotkin bayonot berdi, deb xabar qiladi “TASS”.
“Ukrainadagi yuridik shaxs sanksiyalar ostida, shu bois ofis yopildi”, — ma’lum qildi u.
16-may kuni Ukraina Rossiyaga qarshi kengaytirilgan sanksiyalarni e’lon qildi. Unga ko‘ra Rossiyaning qator IT kompaniyalari cheklovlarga uchradi. Ular orasida “Yandeks”, “VKontakte”, “Mail.ru” va boshqalar bor.
