Америкалик сузувчи
Майкл Фелпс АҚШ терма
жамоаси сафида 23 карра
Олимпиада чемпионига
айлангач, бу Рио-олимпиадаси
ўз фаолиятидаги охиргиси
эканини маълум қилди.

"Мен ҳовуз ёқасига
борганимда йиғлаб юборгудек
бўлдим. Терма жамоа билан
охирги марта машғулот
ўтказдим, охирги марта бу
либосни кийдим. Охирги марта
минглаб мухлислар қаршисида
сувга сакрадим", деган Фелпс.

АҚШ терма жамоаси 4х100
эстафета мусобақасида
финишга биринчи бўлиб етиб
келди (3 дақиқа-ю 27,95
сония). Бу Олимпиаданинг янги
рекорди бўлди. Жамоа сафида
Майкл Фелпс, Райан Мерфи,
Коди Миллер ва Натан Адриан
каби спортчилар бор эди.
Кумуш медаль Буюк Британия
термасига, бронза
австралияликларга насиб этди.

Бешта Олимпиада
(Сидней–2000, Афина–2004,
Пекин–2008, Лондон–2012 ва
Рио–2016) да иштирок этган 31
ёшли Фелпс ҳисобида 23та
олтин медалдан ташқари 3та
кумуш ва 2та бронза
медаллари мавжуд. У Рио-2016
олимпиадаси вақтида 5та
олтин медални қўлга киритди.

Antiqa.net - Актуально, честно и кратко!

#antiqanet #antiqa #antiqa_net #umx #umxuz #umx_uz #imruz #imruz_uz