Qarshining “Nasaf” klubi darvozaboni Eldor
Suyunov faoliyatini boshqa klubda davom
ettirishga yaqin, deb ma’lumot berdi
“Championat.asia”. Bunda gap Toshkentning
“Paxtakor” klubi haqida boradi.
Norasmiy ma’lumotga ko‘ra, darvozabon
“Paxtakor” rahbariyati bilan og‘zaki kelishuvga
erishgan. 2013-yilgi mavsumdan buyon
qarshiliklar sharafini himoya qilib kelayotgan
Suyunov voqealar rivoji shunday davom etsa,
ikkinchi davrani “Paxtakor”da boshlaydi.
Ma’lumot uchun, O‘zbekiston milliy terma
jamoasining asosiy darvozaboni Aleksandr
Lobanov ham “Paxtakor” a’zosi hisoblanadi.
Suyunov Samvel Babayan jamoasida bo‘lgani
kabi Lobanovga o‘rinbosarlik qiladimi yoki
Shota Arveladze “Nasaf” posbonini asosiy
rolda ko‘radimi — aniq emas.
Avvalroq “Nasaf” darvozabonlari murabbiyi
Denis Ivankov O‘zbekiston milliy terma
jamoasining uch posboni haqida fikr bildirib,
Eldor Suyunov hamda Ignatiy Nesterov asosiy
darvozabon Aleksandr Lobanovdan kuchliroq
ekanini qayd etib o‘tgandi.

Antiqa.net - Актуально, честно и кратко!

#antiqanet #antiqa #antiqa_net #umx #umxuz #umx_uz #imruz #imruz_uz